又到聖誕~又到聖誕!
又要為讀小學嘅細仔，預備聖誕聯歡會小食喇!
不過咁，亞仔都大個啦~自己的事自己做啦~於是就提議佢整呢份超容易，兼無失手之小食---- 芝士火腿方包卷。
(下圖) 實在太容易喇~ 首先在方包上面放芝士、火腿。
(下圖) 將麵包卷起包住芝士同火腿, 跟住再用牛油紙將麵包卷包住。
(下圖) 包好麵包卷後, 將牛油紙兩邊扭轉以固定形狀, 再在中間斜切一刀。
(下圖) 芝士火腿方包卷就咁就完成咗啦! 一人一件好方便! 涵料可以隨口味添加, 如果用有花紋嘅牛油紙, 外觀就更吸引呀!
(下圖) 十幾分鐘就搞掂, 返學開PARTY囉~
